12 мая 2014, 17:43
Сывæллæтты хореографион къордты 4-æм æппæтадæмон фестиваль «Кавказы кафæн шоу – хæлардзинады кафт» байгом уыдзæн Дзæуджыхъæуы
Кадджын мадзал арæзт æрцæудзæн Ирон театры. Абон та æрыгон кафджытæ уыдысты Беслæны мемориалон уæлмæрды. Уырдæм æрцыдысты 19 къорды. Сывæллæттæ сты Хæдбар
Кадджын мадзал арæзт æрцæудзæн Ирон театры. Абон та æрыгон кафджытæ уыдысты Беслæны мемориалон уæлмæрды. Уырдæм æрцыдысты 19 къорды. Сывæллæттæ сты Хæдбар паддзахадты æмхæларады бæстæтæй, Японийæ æмæ Уæрæсейы регионтæй, уыдоны *хсæн æрыгон кафджытæ Ялтæйæ æмæ Севастополæй дæр. Радзырдтой сын 2004-æм азы æвирхъау цауты тыххæй. Теракты амæттаг чи бацис, уыдоны рухс нæмттæ фестивалы архайджытæ æрымысыдысты иу минут æдзæмæй алæугæйæ. Стæй уæд сæвæрдтой дидинджытæ Хъыджы бæласы цур.
Хуыгаты Дианæ, адæмон кафты сывæллæтты ансамбль «Ирон»-ы аивадон разамонæг, /Хуссар Ирыстон/: «Мах ацы фестивалы фаццаг хатт не стæм. Æмæ нæ зæрдæмæ тынг фæцыдис. Рæсугъд арæзт у, куыд аргъау, афтæ. Æмæ стыр бузныг зæгъæм, ацы фестиваль чи сарæзта, уыдонæн. Сывæллæтты тынг фæндыд ногæй ацы фестивальмæ ссæуын, тынг æхсызгон сын у, хорз зæрдæйы ахастимæ ссыдысты ардæм».
темæмæ гæсгæ
