Сывæллæтты сфæлдыстады республикон галуаны арæзт æрцыд сывæллæтты зарæггæнджыты къордты 35-æм конкурс. Ацы аз сын у юбилейон.
Конкурс баст у зындгонд ирон композитор Плиты Христофоры нæуæдз азимæ æмæ славяйнаг фыссынадыл мин сæдæ фæндзай азы кæй сæххæст, уыимæ.
Бæрæгбоны архайдтой Дзæуджыхъæуы, стæй Кировы Алагиры, Дыгуры, æмæ Горæтгæрон районты скъолаты ахуырдзаутæ. Конкурсанттæ акодтой алыхуызон зарджытæ: зæлыдысты уырыссаг æмæ италиаг мотивтæм гæсгæ уацмыстæ. Фæлæ, программæйы æнæмæнг уыди Плиты Христофоры уацмыс азарын. Жюрийы уæнгтæ хуыздæрты æвзардзысты цалдæр номинацимæ гæсгæ: сценæйы хи равдисыны дæсныйад, сценикон æмæ аивадон культурæ. Уæлахиздзаутæ хорзæхгонд æрцæудзысты республикæйы ахуырад æмæ наукæйы министрады дипломтæ æмæ кады гæххæттытæй. Хуыздæр сфæлдыстадон къордтæ майы архайдзысты фестивалы.