филиал вгтрк государственная телерадиовещательная компания “Алания”

Æмбырды архайдтой республикæйы æмæ горæты разамынды, æхсæнадон æмæ политикон организациты, стæй галуан æмгуыстад кæимæ кæны, уыдоны минæвæрттæ. Куыд загътой, афтæмæй сæйрагдæр фарстатæй иу у, абон уæлæмхасæн ахуырады учрежденитæ кæй иу кæнынц, уый. Фембæлды архайджыты хъуыдымæ гæсгæ, афтæмæй сфæлдыстадон къордтæм къаддæр сывæллæттæ цæудзæн. Ацы æмбырд арæзт æрцыд сывæллæтты сфæлдыстады галуаныл 40 азы кæй æххæст кæны, уый кадæн. Сæйраг юбилейон мадзæлттæ уыдзысты 1-æм июны.
Мерденты Изæбеллæ, сывæллæтты сфæлдыстады республикон галуаны организацион-дзыллон хайады сæргълæууæг: «Уыдис фарстатæ патриотон хъомыладыл, сывæллæтты ахуырдзинадыл. Сывæллæтты галуан архайы федералон программæтæм гæсгæ. Цæмæй уыцы хъуыддæгтæ хуыздæр цæуой, чи нын æххуыс кæны, уыдонæн нæ бон бузныг зæгъын уа, уый тыххæй æрæмбырд стæм».