филиал вгтрк государственная телерадиовещательная компания “Алания”

Конкурс арæзт æрцыд Дзæуджыхъæуы администраци æмæ йæ сæргълæууæг Дзантиаты Сергейы хъæппæрисæй. Æдæппæтæй та дзы архайдтой 43 коллективы, фæлæ финалмæ рацыдысты æрмæстдæр 6. Жюрийы уæнгты хъуыдымæ гæсгæ зарæггæнджыты цæттæдзинад уыд иттæг хорз. Се ппæт дæр зæрдиагæй бакуыстой сæ репертуарыл. Конкурсы домæнтæм гæсгæ алы къорд дæр бацæттæ кодта 2 зарæджы. Иу дзы, æнæмæнг зарыдысты сæ разамонæгимæ. Уыдон та уыдысты республикæйы зындгонд эстрадон артисттæ Хъæбæлоты Руслан, Баскаты Зæринæ, Быгъуылты Георгий, Бирæгъты Маргаритæ æмæ иннæтæ. Коллективтæ акодтой куыд нырыккон зарджытæ, афтæ классикон уацмыстæ дæр. Конкурсанты фарс рахæцынмæ æрбацыдысты се мкъласонтæ, хиуæттæ, æмбæлттæ. Æхсызгон уыд, зæрдиагæй сæм кæй кастысты РЦИ-Аланийы культурæйы министр Хæбæлаты Фатимæ æмæ Цæгат Ирыстоны ахуырады æмæ наукæйы министр Огъуаты Алан. Уæлахиздзауты схорзæхджын кæндзысты ГРАН-ПРИйæ, стæй сын ратдзысты путевкæ Цмийы дзæбæхгæнæн лагерьмæ.