Сывæллæтты театр «Саби» йæхи цæттæ кæны ног премьерæмæ «Кавказские игры». Йæ режиссер-æвæрæг у Евгений Ибрагимов Чехийæ. Спектакльмæ театрдзауты хонынц сабаты, уæдмæ та уал актертæ æмæ йæ режиссер аразынц репетицитæ.
Сывæллæтты театр «Саби» йæхи цæттæ кæны
ног премьерæмæ «Кавказские игры». Йæ режиссер-æвæрæг у Евгений Ибрагимов
Чехийæ. Спектакльмæ театрдзауты хонынц
сабаты, уæдмæ та уал актертæ æмæ йæ режиссер аразынц репетицитæ.
Чехаг театры разамонæг æмæ сæйраг
режиссер ссыд Дзæуджыхъæумæ æмæ йæ размæ сывæрдта хæс бынæттон драмон
театрты актерты æххусæй сæвæрын куклаты спектакль «Кавказаг Хъæзтытæ».
Репетицитæ кæнынæн сын ис æрмæстдæр 3 къуырийы, уыимæ режиссер æууæнды,
ныронг йæ къухтæм кукла чи нæма райста, уыцы актертæ кæй сарахсдзысты,
уымæн æмæ сты курдиатджын.
Æрымбæрд кодта драмон театры артистты æмæ сын бабар кодта театр «Саби»-йы куклаты.
Сывæллæтты театр «Саби»-йы аивадон
разамонæг Колыты Владислав Чехаг режиссеримæ фембæлд Иркутскы сæрмагонд
культурон проекты архайгæйæ. Фæсæтæдр сын фадат уыд Мæскуыйы æмæ
Санкт-Петербурджы театрты иумæ бакусынæн. Куы йæ базыдта Евгений
Ибрагимовæн йæ фыдæлтæ Черкесскæй сты, уæд æй æрбахуыдта ардæм. Афтæмæй
куклаты зындгонд режиссер ссыд Дзуджыхъæумæ.
Цы спектакль æвæрынц, уый арæзт у
Кавказаг адæмон аргъау «Бирæгъ æмæ зæронд лæджы» бындурыл. Спектакль
цымыдисаг у уымæй, æмæ дзы рувас æвдыст цæуы хæларзæрдæ персонажæй.
Сюжетмæ гæсгæ хъуамæ бирæгъæй аирвæзын кæна зæронд лæджы.
Ацы спектаклы цы куклатæ архайы, уыдон
театры нывгæнджытæ цæттæ кодтой мæй. Эскизтыл та бакуыста режиссер
йæхæдæг. Ныр сæ хæс у актерты руаджы сабиты зæрдæмæ фæндаг ссарын.
Премьерæйы фæстæ ацы спектакль æвдыст цæудзæн Хъæрæсе-Черкессийы. Хонынц
сæ Чехимæ, Сербимæ æмæ Омскмæ.
