Йæ ныхæстæм гæсгæ, уыцы фарсхæцты мадзал æмбæлы, се фтиаг чысыл кæмæн у, уыцы бинонтæн.
Æртæ азæй авд азы онг кæуыл цæуы, уыцы сывæллæттæн фиддонтæ фидыны фæткыл æргом хицауады рæстæг дзырдта фæллойы æмæ социалон райрæзты министры хæдивæг Мамайты Анжелæ. Йæ ныхæстæм гæсгæ, уыцы фарсхæцты мадзал æмбæлы, се фтиаг чысыл кæмæн у, уыцы бинонтæн. Æрывлмæйон фиддон у регионы фæцæрыны æппынкъаддæр бæрцы мбис. Цæмæй йæ райсай, уый тыххæй курдиат хъæуы ныууадзын Паддзахадон лæггæдты порталы. Ныртæккæ уал дзы ис 48 мин курдиаты. Мамайты Анжелæ дзырдта регионалон ныййарæджы капиталы тыххæй дæр. Ацы аз уал æй æххæстæй бафыстой, æртыккаг сывæллон 2013 æмæ 2014 азы цы бинонты райгуырд, уыдонæн. 2015 азы гуырд æртыккаг сывæллæтты бинонтæн бафидынæн та бюджеты бавæрдтой 85 милуан сомы. Бафиддзысты сæ иннæ азы. Уымæй уæлдай ведомство балхæндзæн æвдай æртæ цæрæнуаты сидзæр æмæ æнæ ныййарджыты æвджид чи баззад, уыцы сывæллæттæн.
