филиал вгтрк государственная телерадиовещательная компания “Алания”

Сывæллæттæн паллиативон æххуыс бакæныны цæугæ бригад кусын райдыдта 1-æм поликлиникæйы бындурыл. Нысан кæнынц æппæт республикæйы сывæллæттæн дæр æххуыс кæнын. Специалистты къорд кусы ныр 2 мæйы. Æдæппæтæй сбæрæг кодтой 30 гыццыл пациенты. Се ппæтмæ дæр ис алыхуызон низтæ. Хъæуы сæм дохтырты æппынæдзух цæстдард. Паллиативон æххуысы сæйраг хорз хъуыддаг у, сывæллон йæ бинонтæй нæ хицæн кæны, йæ уарзон хъазæнтæ йæ цуры, афтæмæй хæдзары исы дохтыры æххуыс. Цæугæ бригады хыгъды ис терапевт, реаниматолог, онколог, медицинон хо, невролог, психолог. Сæ куысты дохтыртæ се ргом здахынц, ныййарджытæн баххуыс кæнынмæ дæр.