Хæринаггæнæн блокы сæвæрдтой тæккæ нырыккондæр кусæнгæрзтæ
Кæстæр фæлтæрыл аудын сæ сæйрагдæр хæсыл нымайынц рæвдауæндæтты кусджытæ. Ахырадон æмæ хъомыладон программæйæ дарддæр стыр æргом здахынц æндæр ахсджиаг фарстатæм дæр. Зæгъæм, хæрзад, сæйрагдæр та пайда хæринаг. Сывæллæтты 59-æм рæвдауæндоны нырæй фæстæмæ ис æппæт уавæртæ дæр рæзгæ фæлтæры хæрзхъæд хойрагæй ифтонг кæнынæн. Хæринаггæнæн блокы сæвæрдтой тæккæ нырыккондæр кусæнгæрзтæ. Цавæртæ, уый тыххæй радзурдзæн Моргуаты Ладæ.
Мæнæ ахæм халсартæ электрон хафæны фæрцы Дзæуджыхъæуы 59-æм рæвдауæндоны хæринаггæнджыты куыст цæуы рæвдздæр, стæй сывæлæттæы фынджы бæркад дæр фæфылдæр.
Цалынмæ хæринаг сывæллæтты стъолмæ бахауы, уæдмæ йæ хæрзхъæддзинад карз домæнтæм гæсгæ цæуы бæрæггонд. Ам ахсджиаг у алцыдæр – куыд цæттæгонд цæуы, цавæр рæстæгмæ æмæ цы уавæрты кусынц хæринæггæнджытæ.
Цæлгæнæны ныртæккæ хуыздæрырдæм ивддзинæдтæ кæй æрцыд, уый сывæллæттæ дæр банкъардтой, уымæн æмæ фылдæр сабитæ ракурынц уæлæфтуан хæринаг.
