филиал вгтрк государственная телерадиовещательная компания “Алания”

Сывæллæтты ахуырадон студи “Фæндиаг” сси æцæг бæрæгбоны бынат. Арæзт дзы æрцыд рауагъдонты изæр. Ацы аз æй сабитæ каст фесты 10-æм хатт. Уыцы мгъуыдмæ студийы ахуырад райстой 500 сывæллоны. Бæрæгбонмæ æрбамбырд бирæ уазджытæ. Педагогтæ бацæттæ кодтой хъæлдзæг конкурстæ æмæ хъæзтытæ. Хъомылгæнинæгтæ та сæхи фæлвæрдтой иронау æмдзæвгæтæ аив кæсыны æмæ тематикон номыртæ æвдисыны. Цæгат Кавказы регионты хсæн студи «Фæндиаг» у, 3 азæй 7 азы онг сывæллæтты мадæлон æвзагыл кæсын, фыссын æмæ нымайын кæм ахуыр кæнынц, ахæм иунæг бынат. Кусынц сæрмагонд методикæмæ гæсгæ. Цæмæй ахуырадон æрмæг æнцондæрæй æмбарой, уый тыххæй йæ амонынц хъазты хуызы. Уыимæ студийы кусынц куыд ирон, афтæ уырыссаг къордтæ дæр.