филиал вгтрк государственная телерадиовещательная компания “Алания”

05:25 вторник, 15 июля 2025
14 июня 2025, 08:25
Сывæллæтты инклюзивон театралон студитæ «Солнечный город» æмæ «Солнечный город для солнечных детей» зындгонд сты Мæздæджы районы

Сæ курдиатæй æхсызгондзинад хæссынц театрдзаутæн

Сывæллæтты инклюзивон театралон студитæ «Солнечный город» æмæ «Солнечный город для солнечных детей» зындгонд сты Мæздæджы районы. Сæ курдиатæй æхсызгондзинад хæссынц театрдзаутæн. Æрыгон артисттæн сæ бæллиц уыд Уырыссаг Академион театры легендарон сценæйы архайын. Уый сæххæст кæнын сын баххуыс кодта Цæгат Ирыстоны Парламенты сæрдар Тускъаты Таймураз. Бæлвырддæр хабæрттæ радзурдзæн Чехойты Фатимæ.

Репликæтæ фæлхат кæнын сценæмæ рахизыys размæ у, æнæмæнг, ахсджиаг хъуыддаг. Алцыдæр сæ зæрдыл лæууы, фæлæ цыма чысыл репетици æххуыс у ныфсджындæр уæвынæн. Æрыгон артисттæн уый у стыр бæрнондзинад. Уырыссаг Академион театр – Цæгат Кавказы рагондæр – зæрдиагæй суазæг кодта курдиатджын сабиты Мæздæджы районæй. Ацы легендарон сценæ уыйбæрц гæдыты иу рæстæг никуыма федта. Сæ историтæ – адæмы царды хабæрттæ *вдисæг.

Алы персонаж дæр – хицæн хъысмæт, артист театрдзауты размæ кæй рахæссы, ахæм. Райдай йæ хицауыл æнувыд чи у,  уыцы Фунтиккæй  æмæ хæдбар, йæхи тынг чи уарзы, уыцы Офелияйæ фæуы. Хæрзконд урс гæдыйы ролыл бакуыста Валерия Вербицкая. У театралон студийы рауагъдон. Йæ Офелияйы миддуне хуымæтæг нæу.  Персонажы удыхъæд цымыдисаг у артисткæйæн.

Сценæйы æрыгон, курдиатджын сывæллæттæ. Театрдзаутæ дæр уыдонæй хистæр не сты. Фæзмынынц актерты худæг ныхæстæ. Тыхсынц æнæхæдзар цæрæгойтыл, бахъæлдзæг вæййынц сау гæдыйы уындæй. Дыууæ студийæ арæзт инклюзивон труппæйæн аивадон дуне саразын бантыст, театрмæ сæ зæрдæты цы уарзондзинад сæвзæрд, уый фæрцы.

Сывæллæтты зæрдæты театрмæ уарзондзинад *взæрын кæнын йæ бон у, аивад йæхæдæг тынг чи уарзы,  ахæм адæймагæн. Елена Давыдова æрмæст режиссер нæу, у – цалдæр азы размæ цы студи сарæзта, уый зæрдæ. Йе *нæниздзинад хъыгдард кæмæн у, уыцы сабиты аивадмæ сцымыдис кæнын хуымæтæг хъуыддаг нæу. Сæ курдиат сын куы райхалай, уæд семæ кусын æнцон у, зæгъы режиссер.

Театралон студитæ «Солнечный город» æмæ  «Солнечный город для солнечных детей» сæвæрдтой бирæ спектакльтæ. Легендарон сценæйы архайын уыд сæ бæллиц. Уый сæххæст кæнын сын баххуыс кодта Цæгат Ирыстоны Парламенты сæрдар.  Тускъаты Таймураз æрбацыд сабитæм бакæсынмæ. Уый спектаклы фæстæ режиссер Елена Давыдовайæн радта республикæйы парламенты Кады гæххæтт.

Премьерæйы равдыст рауад æнтыстджын. Æрыгон артистты дæсныйадæн стыр аргъ скодтой театры актертæ, бацæттæ сын кодтой лæвæрттæ. Спектаклæн уыд амондджын кæрон.  Иутæ бамбæрстой сæ аххос, кæй аппæрстой, уыдон ферох кодтой сæ зындзинад. Уый театрдзаутæн æхсызгон куыннæ уыд – рæстдзинад хъуамæ уæлахиз кæна æдзухдæр.

vgtrk_alania
vgtrk_alania
vgtrk_alania
vgtrk_alania