Кусынц дзы мадæлон æвзаг æмæ культурæйы рæзты программæмæ гæсгæ. Сабиты хъомыладыл архайынц горæты скъолаты хуыздæр ахуыргæнджытæ.
Сывæллæтты лагерь «Звездочкæ»-йы байгом цыппæрæм сæрдыгон сезон. Кусынц дзы мадæлон æвзаг æмæ культурæйы рæзты программæмæ гæсгæ. Сабиты хъомыладыл архайынц горæты скъолаты хуыздæр ахуыргæнджытæ. Лагеры директоры ныхæстæм гæсгæ дзы алкæимæ дæр рагагъоммæ аныхас кодтой, уый фæстæ хуыздæрты райстой сывæллæттимæ кусынмæ. Лагеры стыр æргом здахынц адасдзинадмæ, стæй алывæрсыг хъомыладмæ. Зæгъæм ацы фæлтæры кæстæртимæ кусынц республикон центр » Моя семья»-йы специалисттæ. Уымæй уæлдай ма сабитæн скæнынц дæсныйадæвдисæг ахуыртæ чъиритæ фыцынæй æмæ ирон кæфтытæй. Мадæлон æвзаг та ахуыр кæнынц хъазты хуызы. Лагеры куысты тыххæй бæстондæр радзурдзæн Фидараты Маринæ.
Æнæмæнæнг программæйы – национ кафты уроктæ, ирон чъиритæ фыцынæй æмæ быйынæй дæсныйадæвдисæг ахуыртæ. Уымæй дарддæр ма сывæллæтты зонгæ кæнынц национ цардыуагимæ æмæ уæлæдарсимæ. Уымæн æмæ ахсджиаг у – ирон культурæ æмæ традицитæ бындуронæй бамбарын, зæгъы лагерь «Звездочкæ»-йы директор.
Ахуыртæй дарддæр – кæстæрты экскурситы аласынц Ирыстоны кæмттæм, бабæрæг кæнынц историон музейтæ. Вæййы ма сын фадат бæхыл бадгæйæ атезгъо кæнынæн дæр. Æмæ сын уыцы рæстæг радзурынц, нæ рагфыдæлтæ бæхтæм куыд зылдысты, æмæ сын цавæр аргъ кодтой, уый. Лæппутæн æмæ чызджытæн цымыдисаг лекцитæ бакæсынмæ æрбацæуынц хицауады уæнгтæ, культурæйы архайджытæ, зындгонд педагогтæ.
Ныры онг уал национ культурæ хуыздæр базоныны фадат фæци 30 лæппу æмæ чызгæн. Се ппæт дæр сты бирсывæллонджын æмæ фæкæсынхъуаг бинонтæй. Фидæны та лагеры фæнд кæнынц фылдæр бынæттæ скæнын, цæмæй æвзонг стъалытимæ алывæрсыг куыст цæуа, уый тыххæй.
