50 лæппу æмæ чызджы сси ахсджиаг цау – фидæны зондамонджытæ бацæдтæ кодтой фыстæг ног фæлтæртæн
Сывæллæтты реабилитацион лагерь «Тамискъæн» кæронмæ æрхæццæ йæ сæрдыгон куыст. Ног ахуыры азы агъоммæ уым арæзт æрцыд ногдзауты разамонджыты æмбырд. Архайдтой дзы 50 лæппу æмæ чызджы. Сси ахсджиаг цау – фидæны зондамонджытæ бацæдтæ кодтой фыстæг ног фæлтæртæн. Бакæсдзысты йæ 2050 азы сæрды. Бæлвырддæр Чехойты Фатимæйы æрмæджы.
Сывæллæтты санатори «Тæмискъ»-æн фесты йæ сæрдыгон фæлтæртæ. Стыр æвæрæн се *нтыстджын куыстмæ бахастой ногдзауты разамонджытæ. Уыдоны *хсæн уыдис ахæм лæппутæ æмæ чызджытæ, скъоладзаутæ уæвгæйæ ацы санаторийы йæ сæрдыгон фæлладуадзæн рæстæг чи æрвыста, ахæмтæ. Ныр уыдоны разамындæй сывæллæттæ фидар кодтой се *нæниздзинад. Уыдонæй иу – Елизавета Литвинова. Уый 2022 азы Донецкы Адæмон Республикæйæ ссæугæйæ ам цард рæстæгмæ. Ныр чызг ахуыр кæны Мæскуыйы, фæлæ дыккаг аз сæрды ссæуы ардæм.
Тæмискъ æдзухдæр йæхимæ æлвасы Боранты Алинæйы. Ацы санаториимæ баст сты йæ зæрдæйæн æхсызгондзинад хæссæг мысинæгтæ йæ ног хæлæртты тыххæй. Ныр 2 азы Аминæ у лагеры ногдзауты разамонæг. Йæ ныхæстæм гæсгæ, сывæллæттимæ æнцон нæу, фæлæ йын семæ кусынæн æххуыс у йæ бæрнондзинад.
Фæлладуадзæны сезон æхгæныны бон санаторийы ацыд кадджын уавæры. Цымыдисаг уыд фидæны фæлтæртæн цы фыстæг бацæттæ кодтой, уый. Хъуамæ йæ бакæсой 25 азы фæстæ.
Æнæниздзинад фидар кæныны сæрдыгон куысты хатдзæг аразгæ у ногдзауты разамонджытæй дæр. Уыдон зæрдиагæй бацархайдтой, æмæ æмбырдæй рауад бæрæгбон. Хуынд æм æрцыдысты алы азты санаторийы ногдзауты разамонджытæй чи куыста, уыдон.
Ацы аз сæрды Тæмисчы нæ республикæйæ сæ фæллад уагътой 1 мин сывæллонмæ хæстæг. Уыдон зæрдиагæй мысдзысты сæ ног хæлæртты æмæ ногдзауты разамонджыты. Зондамонджытæ та сывæллæттимæ кусгæйæ фæхъæздыгдæр кодтой сæ фæлтæрддзинад.
