Форум иу фæзы æрæмбырд кодта Цæгат Ирыстоны, Луганскы æмæ Донецкы адæмон республикæты, Белгороды облæсты æмæ Стъараполы крайы минæвæртты
Сывæллæтты реабилитацион центр «Тæмисчъы» арæзт æрцыд «Уæрæсейы национ орнамент»-ы фестиваль. Форум иу фæзы æрæмбырд кодта Цæгат Ирыстоны, Луганскы æмæ Донецкы адæмон республикæты, Белгороды облæсты æмæ Стъараполы крайы минæвæртты. Фæсивæд зонгæ кæнынц бæстæйы алы адæмыхæттыты культурæ æмæ традицитимæ. Дзурынц, сæхæдæг кæм райгуырдысты, уыцы бынæтты тыххæй историимæ баст цаутæ. Ацы фæлтæры фæлгæты арæзт цыдысты ахуырадон фембæлдтытæ, дæсныйадæвдисæг ахуыртæ, конкурстæ, викторинæтæ. Лæппутæ æмæ чызджытæ сæхи бафæлвæрдтой æрмдæсныйады, хореографийы, сæ зонындзинæдтæ фæфылдæр сты адæмон фольклорæй, базыдтой Уæрæсейы алы регионты аивады сусæгдзинæдтæ. Фæсивæдмæ уæлдай цымыдисаг фæкасти национ костюмты эскизтæ кæнын. Программæйы кæронбæттæн та бацæттæ кодтой гала-концерт «Душа моя-Россия», стæй форумы архайджыты аивадон куыстыты равдыст.
