Архайдтой дзы Хицауады сæрдары хæдивæг Александр Реутов, æхсæнадон организаци «Я слышу мир!»-ы президент Елена Попова
Сывæллæтты республикон клиникон рынчындоны уыд семинар «Бинонтæ – сывæллоны реабилитацийы бындур. Æвзæр чи хъусы, уыцы сывæллæтты реабилитацийы нырыккон аспекттæ». Архайдтой дзы Хицауады сæрдары хæдивæг Александр Реутов, æхсæнадон организаци «Я слышу мир!»-ы президент Елена Попова, ахуырады æмæ наукæйы, стæй æнæниздзинадхъахъхъæнынады министрадты минæвæрттæ æмæ дохтыртæ. Семинары ныхас цыд, чи нæ хъусы, уыцы сывæллæтты дзæбæх кæныны æмæ адаптацийы нырыккон методтыл. Санкт-Петербургæй æмæ Мæскуыйæ уазджытæ сывæллæтты республикон клиникон рынчындоны кусджытæн радзырдтой сæ фæлтæрддзинады тыххæй, сæрмагондæй – ног профилактикæты тыххæй. Семинар арæзт æрцыд «Иугонд Уæрæсе»-йы партион проект «Фидар бинонтæ» æххæстгæнгæйæ.
