Уый уыд æппæтуæрæсеон проект «Кампус молодежных инноваций»-йы хай
Сывæллæтты технопарк «Кванториум»-ы кæронмæ æрхæццæ сæрдыгон проектон скъола «Зонд»-ы куыст. Уый уыд æппæтуæрæсеон проект «Кампус молодежных инноваций»-йы хай. Архайдтой дзы 200 адæймагæй фылдæр,12 азæй 25 азы онг кæуыл цæуы, ахæмтæ. Уыдысты Цæгат Ирыстонæй, Мæскуыйæ, Стъараполы крайæ, Хуссар Ирыстонæй, Египтæй, Францийæ æмæ æндæр рæттæй. Фæсивæд куыста цалдæр къæпхæнæнмæ гæсгæ. Камеруны цæрæг Паскаль Томас æмæ Сармат Хохлов та бакуыстой мобилон уæлæмхасмæн фæрæзыл. Цæмæй бафтыдта дисы, уый тыххæй радзурдзæн Фидараты Маринæ.
Ирыстоны истори æмæ культурæимæ базонгæ уæвын, стæй йын йæ номарæн æмæ зæрдылдарæн бынæттæ æмæ цыртдзæвæнтæ фенын. Уымæй дарддæр ма хи туристон маршрут саразын. Æппæт ацы хъуыддæгтæ хæстæгдæр рæстæг скæнæн уыдзæн мобилон уæлæмхасæн программæйы фæрцы. Электрон хузы гиды макетыл кусы Паскаль Томас. Камеруны цæрæг 25 аздзыд лæппу æвдисы, хæххон ран, æнæ интернетæй хæстæгдæр хъуæмæ фæндаг куыд ссарæн ис, уый.
Æнцонархайд интерфейс саразын æмæ уæлæмхасæн фæрæз историон цаутæй баххæст кæнын, уый иу хъуыддаг у, зæгъы Паскаль. Æппæтæй зындæр у, цæмæй сыхаг регионтæй æмæ æндæр бæстæтæй адæмæн æнцон уа Цæгат Ирыстонмæ тагъд бахæццæ уæвын. Ууыл та кусы Паскалы æмкусæг Сармат Хохлов.
Æрыгон лæппуты æрхъуыдыдзинад хуыйны VEKO. Хаст æрцыд æппæтадæмон проектон скъола «Зонд»-ы фондз хуыздæр проекттæм. Иу фæзы æрæмбырд сты 200 архайæджы Уæрæсейæ æмæ дунейы æндæр бæстæтæй. Сæ размæ уыд ахсджиаг хæстæ æвæрд. Уыимæ куыстой хибарæй. Сæ куысты хатдзæгтæм та сын кастысты эксперттæ.
Разæй фæсивæдмæ æнхъæлмæ кæсы æппæтадæмон кейс-чемпионат. Йæ архайджыты хъæудзæн егъаудæр компаниты хæстыл бакусын. Уымæн æмæ сты чемпионаты партнертæ.
