Архайдзысты дзы 5-æмæй – 10-æм къласы онг ахуырдзаутæ
Сывæллæтты технопарк «Кванториумы» байгом бæлвырд наукæты сæрдыгон скъола. Архайдзысты дзы 5-æмæй – 10-æм къласы онг ахуырдзаутæ. Се ппæт дæр сты алыхуызон олимпиадæты уæлахиздзаутæ æмæ призертæ. Сæрдыгон скъола суазæг кæндзæн Уæрæсейы æндæр регионты, стæй дард æмæ хæстæг скæсæйнаг бæстæты скъоладзауты дæр. Уыдон та сты математикæйæ олимпиадæты уæлахиздзаутæ æм призертæ. Кванториумы кусдзысты Мæскуыйы педагогон дæсныйады Центры специалисттæ, Адыгейы паддзахадон университеты кавказаг математикон центры педагогтæ, стæй Хуссайраг математикон институты наукон кусджытæ. Уыдон ахуыртæ скæндзысты олимпиадон математикæйæ æмæ иртасæн архайдæй. Ахуырадон процессы рæстæг арæзт æрцæудзысты зындгонд уæрæсейаг ахуыргæндты наукон-популярон лекцитæ, интеллектуалон хъæзтытæ æмæ ерыстæ. Зæгъдзыстæм ма уый дæр, æмæ бæлвырд наукæты сæрдыгон скъолайы архайд у лæвар.
