Курдиæт бадæттæн уыдзæн июлæй фæстæмæ
Сывæллон иунæгæй чи хъомыл кæны, уыцы ныййарджытæ, стæй сывæрджын сылгоймæгтæ Пенсион фондæй исдзысты ног фиддонтæ. Курдиæт бадæттæн уыдзæн июлæй фæстæмæ. Фидæны мадæлтæ дохтырмæ хыгъды афонадыл куы слæууой, ома 12 къуыримæ, уæд сын фыст æрцæудзæн фондз мины æмæ фондз сæдæ сомы. Уыцы пособитæ райсдзысты, сæ бинонтæй алкæйы æфтиаг дæр регионы фæцæрынæн æппынкъаддæр цас хъæуы, уымæй къаддæр кæмæн у, уыдон. Фиддонтæ ма фыст цæудзысты, 8 азæй 16 азы онг сывæллæттæ чи хъомыл кæны иунæгæй, уыцы ныййарджытæн. Йæ бæрц уыдзæн – иу сывæллонæн фондз мины æмæ цыпар сæдæ сомы. Уæ зæрдыл ма æрлæууын кæндзыстæм уый дæр, æмæ пенсион фиддонтæ фыст цæудзысты канд фиддонты системæ МИР-уылты, рахизæн æм ис фыццæгæм июлы онг.
