филиал вгтрк государственная телерадиовещательная компания “Алания”

Ахæм хъуыды загъд уыд абон, ахуыргæнджыты зонындзинæдтæ фылдæр кæныны институты цы конференци уыд, уым.

Хъуыддаг афтæ рауад, æмæ фæззæджы Паддзахадон Думæ Федералон закъонмæ æдæмыхæттыты æвзæгты тыххæй уæлæмхасæн ивддзинад куы бахæсса, уæд ныййарæджы бон у йы сывæллонæн мадæлон æвзаг равзарын. Тæссаг у, æмæ бирæ ныййарджытæ ацы фарстайы ахадыдзинад кæронмæ куы нæ мбарой, уæд мадæлон æвзагæн равзардзысты уырыссаг æвзаг. Уый сын фадат дæтты фылдæр зонындзинæдтæ райсынæн уырыссаг æвзагæй æмæ паддзахадон фæлварæнмæ хуыздæр бацæттæ кæнынæн.

Хъамболты Тамерлан, Профессор, филологон наукæты доктор, ЮНЕСКО-йы кафедрæйы сæргълæууæг: «Уый æмбаргæйæ мах бацæттæ кодтам сæрмагонд сидт Уæрæсейы президентмæ, Паддзахадон Думæйы сæргълæууæгмæ æмæ нæ Парламенты сæрдармæ. Цæмæй уыцы Федералон закъон ист ма æрцæуа, цæмæй æркæсой йæ фæстиуджытæм. Нæхи парламентмæ сидæм, цæмæй куыд æмæбæлы, афтæ тагъд райсой нæ республикæйы паддзахадон æвзæгты закъон».

Конференцийы архайджытæ ма байхъуыстой республикæйы ахуырад æмæ наукæйы министрады национ хайады дзуаппон докладмæ. Æмтгæй ивгъуыд аз сæ къухы бирæ бантыст. Рауагътой ног чингуыты комплекттæ 1-æм къласæй 11-æм къласы онг. Æмæ республикæйы скъолатæ ахуыргæнæн чиныг хъуаг нæ уыдзысты. Ахуырад æмæ наукæйы министр Огъуаты Аланы хъæппæрисæй фæзынд фыццаг паддзахадон сайт ирон æвзагыл. Æвдыст дзы цæуы ахуырадимæ баст цаутæ. Æмæ уый стыр æххуыс у ирон æвзаг æмæ литературæйы ахуыргæнджытæн.

Санаты Ритæ, Республикæйы ахуырад æмæ наукæйы министрады национ хайады сæргълæууæг: «Чингуытæ æппæт дæр сты. Уыимæ ирон æвзаг чи ахуыр кæны уыдонæн дæр, хорз чи зоны ирон æвзаг, уыдонæн, стæй йæ лæмæгъ чи зоны æмæ мæнæ æндæр адæмы хæттытæ чи сты, уыдон. Фæлæ ирон æвзаг хорз чи зоны, уыдон гыццыл сты. Ææм ууыл дарддæр кусдзыстæм. Ахуыргæнджытæ хъуамæ ирон æвзаг уарзын кæной. Дæлæ мæ йæ куыннæ кæной, фæлæ рæзгæ куыд кæна æвзаг дарддæр».