27 декабря 2024, 10:33
Тæбæхсæуты Балойы номыл паддзахадон Ирон академион театры уыд спектакль «Послы гор»-ы премьерæ
Æвæрд у Цæголты Василийы æмном романмæ гæсгæ
Тæбæхсæуты Балойы номыл паддзахадон Ирон академион театры уыд спектакль «Послы гор»-ы премьерæ. Æвæрд у Цæголты Василийы æмном романмæ гæсгæ. Йæ бындуры ис историон цау – ус-паддзах Елизаветæмæ Санкт-Петербургмæ фыццаг ирон минæвæрттæ куыд абалц кодтой, уый. Уацмыс ирон æвзагмæ ратæлмац кодта Цæриаты Валерий, инсценировкæ скодта Михаил Левитин, спектаклы режиссер та у театры аивадон разамонæг Уалыты Гиви. Премьерæ баст у, Ирыстон Уæрæсеимæ куы баиу, уый 250 азы бонимæ. Культурæйы министр Фидараты Сослан йæ раныхасы фехъусын кодта æхсызгон хабар – республикæйы сæргълæууæджы уынаффæмæ гæсгæ Уалыты Гивийæн лæвæрд æрцыд Цæгат Ирыстоны адæмон артисты кадджын ном.
