Бацæттæ кодтой спектакль, се *ппæт дæр цы аргъау зонынц, уымæ гæсгæ
Классикæ ног хуызы. Абон Тæбæхсæуты Балойы номыл Цæгат Ирыстоны паддзахадон академион театры уыдзæн радон премьерæ. Бацæттæ кодтой спектакль, се *ппæт дæр цы аргъау зонынц, уымæ гæсгæ. «Чысыл принц» æнæнхъæлæджы ног хуызы – хистæрты цæстæй кæсгæйæ. Режиссертæ сты Антон Калипанов æмæ Ольга Шайдуллина. Сывæллоны зондахаст æмæ хистæрты ахсатдзинæдтæ, ног æнæнхъæлæджы хуызы. Сæйраг ролы – тæхæг. Йæ хæдтæхæг фехæлд æмæ ныр у æвдисæн, æрлæууыд тæрхондоны къамисы размæ. Фæлæ никæйы уырны йæ цымыдисаг радзырд. Чысыл принц дæр се *ууæнчы аккаг нæу. Нæ хъусынц тæхæгмæ – хистæртимæ афтæ арæх рауайы. Аргъауы бæсты баууæнддзысты бæлвырд цауыл. Тæхæг æдзæрæграны дон æмæ йæ зонды руаджы нæ ирвæзт, фæлæ «мах хъуамæ дзуапп дæттæм, æрмахуыр кæй скодтам, уыдоныл» ын йæ зæрдыл чи *рлæууын кодта, уый фæрцы. Чысыл принцы роль сарæзта Богъаты Руслан. Уымæн уыд йæ дебют. Русланы ныхæстæм гæсгæ, постановкæ, айдæнау, равдыста актерæн йæхи хъуыдытæ. Постановкæ театрдзауты зæрдыл æрлæууын кодта, хистæртæ дæр кæддæр сабитæ кæй уыдысты, уый. Спектаклы режиссерты ныхæстæм гæсгæ, классикон уацмысы хъуыды арæхстджынæй райхæлдтой нырыккон театралон æвзагæй. Цæгат Ирыстоны академион театрмæ хуынд режиссертæ премьерæйыл куыстой афæдзæй фылдæр. Антон Калипановы ныхæстæм гæсгæ, йæ бацæттæ кæнын æнцон нæ уыд. Чысыл принц атахт, фæлæ баззад мысинæгты æмæ зæрдæйы. Иу хатт ма уын зæгъæм, «Чысыл принцы» премьерæ фенæн уыдзæн абон Ирон академион театры сценæйы. Режиссертæ æууæндынц, чысыл принц ссардзæн фæндаг æрмæст сывæллæтты нæ, фæлæ хистæрты зæрдæтæм дæр.
