Æнхъæлмæ сæм кæсынц ахуырадон мадзæлттæ, экскурситæ æмæ афтæ дарддæр
Баулæфынмæ æмæ се нæниздзинад фæхуыздæр кæнынмæ Тæмискъмæ Запорожьейы облæстæй Черниговскийы районæй ссыдысты 25 сывæллоны æмæ 3 хистæры. Дзæуджыхъæуы æфсæнвæндаджы вокзалы уазджытæм æнхъæлмæ кастысты РЦИ-А-йы хицауады сæрдары хæдивæг Тугъанаты Ларисæ æмæ ресупбликæйы фæллойы æмæ социалон райрæзты министр Айдарты Алинæ. Тугъанаты Ларисæ куыд загъта, афтæмæй Сергей Меняйлойы уынаффæмæ гæсгæ нæ республикæ у цæттæ Черниговскийы районы цæрджытæн алывæрсыг æххуыс кæнынмæ. Сывæллæттæ Цæгат Ирыстоны уыдзысты 21 боны. Æнхъæлмæ сæм кæсынц ахуырадон мадзæлттæ, экскурситæ æмæ афтæ дарддæр. Уæ зæрдыл уын æрлæууын кæндзыстæм, Сергей Меняйло æмæ Запорожьейы облæсты губернаторы хæстæ æххæстгæнæг Евгений Балицкий Мелитополы бафыстой бадзырд. Ныхас цыд социалон бæстыхæйтты цалцæггæнæн куыстытыл, стæй, Запорожьейы облæстæн ныридæгæн цы специалисттæ нæ фаг кæнынц, уыдоныл дæр – дохтыртыл æмæ социалон кусджытыл.
