Алкæмæн дæр фадат уыд сæ хæсты тыххæй базонынæн, æмæ специалисттæй консультаци райсынæн.
Тæрхондоны пъырыстыфты службæйы кусджытæ ног азы агъоммæ сарæзтой акци «Базон дæ хæсты тыххæй». Профилактикон акци уыди базарадон центр «Столица»-йы. Алкæмæн дæр фадат уыд сæ хæсты тыххæй базонынæн, æмæ специалисттæй консультаци райсынæн. Уый тыххæй пъырыстыфтæн хъуыди сæхи тыххæй бæрæггæнæнтæ раттын. Уыдон та сын бæлвырд дзырдтой сæ хъалонты тыххæй. Ахæм акцитæ уæлдай ахсджиаг сты, хæстæгдæр рæстæг фæсарæнтæм цæуынмæ чи хъавы, уыдонæн. Сæ хæсты бæрц 10 мин сомæй фылдæр кæмæн у, уыдонæн фæсарæнтæм цæуæн нæй. Хæсджынты ныхмæ ма, чи зоны æмæ арæзт цæуой æндæр æфхæрæн мадзæлттæ дæр. Зæгъæм, кредитон уагдæтты сæ хыгъдтæ æрцæудзысты æхгæд. Уымæй дарддæр сæ хæсты тыххæй базонæн ис, хæдзары уæвгæйæ дæр. Уый тыххæй бацæуын хъæуы тæрхондоны пъырыстыфты федералон службæйы официалон сайтмæ бацæугæйæ.
