Гидрометеорологон центры специалистты тыхсын кæны, хæхты бирæ мит кæй æруарыд, уый. Куы фæхъарм уа, уæд, чи зоны, æмæ сæвзæрой зындзинæдтæ.
Апрелы дыккаг æмбисы гæнæн ис, æмæ фæбæрзонддæр уа Фыййагдоны, Джызæлдоны, Камбилеевкæйы æмæ Сунжæйы цæугæдæтты æмвæзад.
Апрелы дыккаг æмбисы гæнæн ис, æмæ фæбæрзонддæр уа Фыййагдоны, Джызæлдоны, Камбилеевкæйы æмæ Сунжæйы цæугæдæтты æмвæзад. Ламидæттæй та тæссаг у Æрыдоны, Дур-Дуры æмæ Урсдоны дæттæн, стæй æвдай хъæуæн. Метеорологтæ донивылдтыты рæстæг хъусын кæндзысты уавæры тыххæй бæлвырд хабæрттæ. Районты та кусынц донивылдтытæй хи бахизыныл. Программæ сæххæст кæнынæн радтой 15 милуаны æмæ 500 мин сомы. Фылдæр æргом здахынц доныбылтæ фидар кæнынмæ. Дæс æмæ ссæдз азæй фылдæр цæуы доныбылтæ фидаргæнæн арæзтадыл æмæ заууатмæ æрцыдысты. Æхсæзæн та дзы хицау дæр нæй. Такъоты Сергей бадомдта бæрнон адæмæй, цæмæй сбæрæг кæной уыцы арæзтæдты хицæутты, кæнæ сæ бакæнæд администрациты бæрны.