филиал вгтрк государственная телерадиовещательная компания “Алания”

Тарскæйы полигоны сæ арæхстдзинадыл æфтыдтой æфсæддон ахуыргæнæн центрты рауагъдонтæ. Ахуыртæ цыдысты æхсæвыгон, Хуссар æфсæддон зылды 58-æм æфсады хæйтты. 300 службæгæнæджы, 50 хæстон техникæйы машинæйы, се хсæн танктæ Т-90. Сæ арæхстдзинад æвдыстой ног тактикон методтæй пайда кæнынæй. Йæ сæйраг мидис у – танктæй иу куы фехсы, уæд иннæйы экипаж ифтындзы æфсæддон комплект æмæ цæттæ кæны фехсынмæ. Афтæмæй æхстытæ цæуынц æнæрлæугæйæ. Æмæ ныхмæлæууæгæн, куыд фæзæгъынц, йæ сæр сисынæн дæр рæстæг нæ вæййы. Ахæм ахуыртæ танкисттæм гуырын кæнынц иттæг хорз фæлтæрддзинад.