Сæвæрдтой йæ Коцойты Арсены уацмысмæ гæсгæ
«15 азы». Ахæм сæргондимæ театр «Саби»-йы равдыстой спектакль. Сæвæрдтой йæ Коцойты Арсены уацмысмæ гæсгæ. Йæ бындуры ис цымыдисаг истори, æмæ дзурæг у царды ахсджиаг хабæрттыл. Бæлвырддæр та, фыццаг бакастæй, гыццыл сайд адæймаджы цард æвзæрырдæм куыд аивта, ууыл. Сæйраг рольтæ сарæзтой Хъараты Максим æмæ Браты Камиллæ. Спектакль бацæттæ кодтой ирон æвзаг æмæ литературæйы бон сбæрæг кæнынмæ. Æрбахуыдтой йæм не сфæлдыстадон къорды дæр, æмæ бæстондæр хабæрттæ радзурдзæн Чехойты Фатимæ.
Театр «Саби»-йы сценæйы æвæрд æрцыд спектакль «15 азы». Коцойты Арсены уацмысæвæрæг у Колыты Владислав, инсценировкæйыл бакуыста Дарчиты Хетæг. Новеллæ сывæлæттæн фыст нæу. Йæ мидис у цард, мæлæт æмæ æндæр сæйраг фарстытимæ баст. Хонынц æм 14 азæй фылдæр кæуыл цæуы, ахæм театруарзджыты.
Спектаклы дзуры, гыццыл мæнгдзинад куыд фехæлдта адæймаджы цард, ууыл. Сæйраг ролты хъазынц Хъараты Максим æмæ Браты Камиллæ. Джиголаты Анастасияйæн та ацы куыст у дебютон. Сценæйы æвдыст æрцыдысты кад æмæ намыс, тугисыны æгъдау æмæ уарзондзинад, адæмы *хсæн хæлардзинад æмæ хуыздæр традицитæ.
Сахаты *рдæгмæ спектаклмæ кæсджытæ базыдтой Хъæвдын æмæ йæ алыварс чи ис, уыцы адæмы. Ацы постановкæ у эксперименталон – бацæттæ йæ кодтой, ирон æвзаг æмæ литературæ чи ахуыр кæны, уыцы сколадзаутæн. Театруарзджытæ баззадысты разыйæ.
Ацы новеллæ сценæмæ хаст æрцыд Ирон æвзаг æмæ литературæйы боны кадæн. Зæрдæдарæн ис, фидæнмæ театры репертуары сæрмагонд бынат кæй ссардзæн, ууыл.
