филиал вгтрк государственная телерадиовещательная компания “Алания”

Театр ШКиТы арæзт æрцыд спекталь «Подруги»-йы премьерон равдыст. Сæвæрдтой йæ Николай Колядæйы пьесæ «Дыроватый камень»-мæ гæсгæ. Режиссер – Муриты Алыксандр. Рольтæ сæхиуыл сбарстой Гæджиты Мæдинæ, Бесолты Лидия, Теблойты Лейлæ, Тахъазты Сæрмæт, Кокуаты Андрей æмæ Биасты Орнеллæ. Николай Колядайы сфæлдыстадон фæлтæрддзинад нырыккон драматургийы ахсы ахсджиаг бынат. Дзуры, советон дуджы фæстæ адæймаджы уæззау социалон фарстатыл. Афтæ, пьесæйы хъайтартæ сты æртæ хæлар сылгоймаджы: Галина Сергеевна, Лариса Сергеевна æмæ Вера Сергеевна. Хотæ не сты, фæлæ сын ис иу фыды ном. Уый та сæ иу кæны Чеховы пьесæ «Æртæ хойы» хъайтартимæ.