Арæзт уыд паддзахадон академион филармонийы. Ацы ран Цæгат Ирыстоны сæргълæууæг Битарты Вячеслав Адыгейæйы Уырыссаг драмон театрæй райста театралон эстафетæйы сæрмагонд символ.
Театралон Марафон баиу «Мариинаг Дзæуджыхъау»-ы æппæтадæмон 3-аг фестивалимæ. Арæзт уыд паддзахадон академион филармонийы. Ацы ран Цæгат Ирыстоны сæргълæууæг Битарты Вячеслав Адыгейæйы Уырыссаг драмон театрæй райста театралон эстафетæйы сæрмагонд символ. Уæвгæ Дзæуджыхъæуæн ис рæсугъд фидæн. Ам, Гергиты Валерий куыд фехъусын кодта, афтæмæй арæзт уыдзæн Цæгат Кавказы культурон центр. Французаг архитектор Ксавье Фабры проекты аргъ у 4 милиарды. Уый фидæны, ацы бонты та Дзæуджыхъæуы цæрджытæ хуынд сты бæрзонд аивады бæрæгбонмæ. Йæ уылæнты аныгъуылд не сфæлдыстадон къорд æмæ ныхасы бар Гутьиаты Алинæйæн.
Фестиваль байгом кодта Мариинаг театры Симфонион оркестр. Разамынд ын лæвæрдта Гергиты Валерий.
Мадзалы солисттæй иу уыдис пианист Александр КанторОв Францийæ. Уый ацагъта Чайковскийы, Рахманиновы æмæ Стравинскийы уацмыстæ. Дыккаг бон та радта сæрмагонд кондцерт. Программæйы уыдысты Белы Бартокы, Иоганес Брамсы æмæ Френц Листы уацмыстæ дæр. Куыд загъта, афтæмæй концерты размæ йæ къухы бафтыдис горæты атезгъо кæнын.
Фестиваль ахæццæ кодта Клод Дебюссийы музыкалон драмæ «Пеллеас и Мелизанда» французсаг æвзагыл. Сæйраг партитæ азарыдысты Мариинаг театры оперон труппæйы солит Андрей Серов, Аткинсы программæйы стипендиант Гамид Абдулов æмæ Приморский сценæйы солисткæ Айгуль Хисматуллина.
Концерттæм сæ фылдæртæм ныридæгæн билеттæ нал ис. Æлхæд æрцыдысты фестивалы размæ. Фæлæ цæмæй Дзæджыхъæуы цæрджытæ дæр бандзæвой бæрзонд аивадмæ, уый тыххæй сарæзтой онлайн трансляцитæ. Мадзал фæуыдзæнис æхсæзæм октябры Мариинаг театры филиалы симфонион оркестры концертæй.
