филиал вгтрк государственная телерадиовещательная компания “Алания”

Мæздæджы адæмон театры цæттæ кæнынц ног спектакль. Театры аивадон разамонæг æмæ режиссер Людмила Склярова сæвæрдта Лев Устиновы пьесæ «Город без любви».

Спектаклы архайы 13 адæймаджы. Сæ кармæ гæсгæ сты 10 азæй 70 азы онг – иууылдæр хæдахуыр артисттæ.

Труппæ зæрдиагæй архайы пьесæ рæсугъд сæвæрыныл. Куыд сбæрæг кодтой, афтæмæй ма ацы спектакль Мæздæджы театры æвæрд уыд 25 азы размæ. Режиссер базонгæ ис йемæ, ссардта ног ахорæнтæ æмæ фæхъæздыгдæр кодта спектакль.

Куыд рауад, уымæн театрдзаутæ аргъ скæндзысты премьерæйы – 10-æм æмæ 13-æм апрелы. Мæздæджы театр ма ацы спектакль равдисдзæн регионалон конкурсы.