филиал вгтрк государственная телерадиовещательная компания “Алания”

Республикæйы клиникон рынчындоны сæйраг дохтыры хæдивæг Тедеты Валентинæйы азымджын кæнынц, ноггуырд сывæллон кæй уæй кодта, уый тыххæй.

Сарæзтой йыл уголовон хъуыддаг. Уæ зæрдыл уын æй лæууын кæнæм, Тедеты Валентинæйы æрцахстой сывæллоны куыд радта, æмæ æхца куыд иста, афтæмæй. Йæ райгуырдæй æртæ боны цы чызгыл цыди, уый уæй кодта 500 мин сомыл. Ныртæккæ фыдгæнæг ис, ахст адæм рæстæгмæ кæм вæййынц, ахæм бынаты æмæ дзы фæуыдзæн 7-æм июнмæ.

Слестгæнæн управленийы куыд зæгъынц, афтæмæй гыццыл чызг ныртæккæ ис Дзæуджыхъæуы сывæллæтты рынчындоны. Слестгæнджыты хатдзæгтæм гæсгæ хаст æрцæудзæн уынаффæ, сывæллоны йæ мадæн радтой, æви йæ сывæллæттыл аудæн куыстуатмæ арвитой, уый.