Фембæлд арæзт æрцыд онлайн хуызы
Хуыздæртыл ахуыр кæнын. Телеканал «Россия 1» -ы амонæг, Паддзахадон Думæйы депутат Евгений Попов лекци бакасти Цæгат Ирыстоны паддзахадон университеты журналитстикæйы факультеты студенттæн. Фембæлд арæзт æрцыд онлайн хуызы. Зындгонд журналист радзырдта йæ профессионалон фæлтæрддзинады тыххæй. Стыр æргом аздæхта медиа-технологитæм нырыккон нымæцон форматы, стæй информацион хæсты уавæрты куыстмæ. Ныхас ма цыд, ныртæккæ студентты фылдæр цы тыхсын кæны, уыцы фарстатыл. Видеоконференци арæзт æрцыд Цæгат Ирыстоны паддзазадон университеты журналистикæйы æмæ медиакоммуникациты кафедрæйы хистæр ахуыргæнæг Цæрикъаты Оксанæйы хъæппæрисмæ гæсгæ. Куыд загъта, афтæмæй ахæм диалог ахсджиаг у дыууæ фарсæн дæр. Федералон амонæгмæ йæ фарст раттыны фадат уыд алкæмæн дæр.
