17 азы онг кæуыл цæуы, ахæм курдиатджын лæппуты æмæ чызджыты хонынц алыхуызон номинациты архайынмæ
Телеканал «Россия»-йы дарддæр цæуы Æппæтуæрæсеон конкурс «Синяя птицæ»-йы ног сезонмæ курдиæттæ исыны рæстæг. 17 азы онг кæуыл цæуы, ахæм курдиатджын лæппуты æмæ чызджыты хонынц алыхуызон номинациты архайынмæ: вокал, музыкалон инструменттыл цæгъдын, хореографи, оригиналон жанр æмæ актеры дæсныйад. Конкурсы бæлвырд домæнтæ нæй. Уымæ гæсгæ хонынц алкæйы дæр. Алы аз дæр конкурс раргом кæны ног курдиатджын фæсивæды, æмæ æрыгон артисттæн фадат дæтты сæхи равдисынæн. 10 азмæ конкурсы раздæры архайджытæ систы æцæг профессионалтæ. Фæархайынц алыхуызон фестивальты. «Синяя птица» гом у Уæрæсейы алы регионты æмæ ма суанг фæсарæйнаг бæстæты архайджытæн. Ссарынц ног хæлæртты æмæ фарсхæцджыты. Ныридæгæн конкурсы архайынмæ курдиæттæ балæвæрдтой Уæрæсейы 70 горæтæй æмæ 7 бæстæйæ. Сты алы жанрты архайджытæ. Ног сезоны жюрийы хыгъды сты Уæрæсейы адæмон артисттæ: Николай Цискаридзе, Денис Мацуев, Марина Неелова, Сергей Безруков æмæ Евгений Миронов. Программæйы автор æмæ амонæг у Дарья Златопольская. Конкурсы уæлахиздзаутæн фадат уыдзæн зындгонд артисттимæ иу сценæйы бацархайынæн. Курдиат бадæттæн ис медиаплатформæ «Смотрим» æмæ уæлæмхасæн æфтуан SMOTRIM.RU-йы.
