Æнæнхъæлæджы уавæрты министрады кусджыты канд зынгсирвæзты рæстæг адæмы нæ ирвæзын кæнынц, фæлæ ма хъуамæ зоной донивылды рæстæг дæр адæмы цард бахъахъхъæнын.
Æнæнхъæлæджы уавæрты
министрады кусджыты канд зынгсирвæзты рæстæг адæмы нæ ирвæзын кæнынц, фæлæ ма
хъуамæ зоной донивылды рæстæг дæр адæмы цард бахъахъхъæнын. Уыцы нысанимæ Терчы былгæрон арæзт уыдысты профилактикон
ахуыртæ. Цæгатирыстойнаг ирвæзынгæнджытæ сæхи равдыстой донивылдтыты фæстиуджытимæ тохы, стæй доны былгæрæттæ
сыгъдæг кæныны хъуыддаджы. Хъайтыхъты Фатимæ радзурдзæн, йæ дæсныйад цардæн тæссаг
уавæртимæ баст кæмæн у, уыцы адæмы тыххæй.
Хъуысы фæдисы сиренæ. Уый нысан кæны, кæйдæр
тагъд æххуыс кæй хъæуы, уый. Ныртæккæ Терчы былгæрон аразынц профилактикон
ахуыртæ. Цæгат Ирыстойнаг ирвæзынгæнджытæ сæхи фæлварынц донивылдтыты фæстиуджытимæ
тох кæнын, стæй доны былгæрæттæ сыгъдæг кæнын.
Сæ куыстыты æнæнхъæлæджы уавæрты
министрады кусджытæ пайда кæнынц уæзласæн æмæ манипулятор кърантытæй. Мидхъуыддæгты
министрад æмæ тагъд æххуысы службæимæ иумæ фервæзын кодтой, чи фæцæйныгъуылдис,
уыцы адæймаджы.
Ахæм ахуыртæ республикæйы аразынц алы аз
дæр. Уæвгæ та сты Æппæтуæрæсеонтæ. Уый та нысан кæны, мах регионæй дарддæр ма сæ
цæттæдзинад кæй бафæлварæнц нæ бæстæйы æппæт ирвæзынгæнджытæ дæр.
