филиал вгтрк государственная телерадиовещательная компания “Алания”

Терроризмы ныхмæ тохгæнгæйæ республикæйы райдыдта акци. Арæзт у Беслæны террористон акты 10 азы бонмæ. Акци æххæстгæнгæйæ арæзт цæуы нывты, сывæллæтты фыст æмдзæвгæты æмæ социалон видеороликты конкурстæ. Куыстытæ исдзысты 20-æм августмæ. Акци арæзт æрцыд республикæйы мидхъуыддæгты министрады цур æхсæнадон советы, Уæрæсейы хъæбатыр Джыбылаты Зауыры номыл фонды æмæ «Беслæны мадæлты» комитеты хъæппæрисæй. Фыццаг се сфæлдыстадон арæхстдзинад равдыстой сывæллæтты сфæлдыстады республикон галуаны сæрдыгон лагерь «Фидæн»-ы хъомылгæнинæгтæ. Конкурстæн хатдзæгтæ скæндзысты ацы мæйы кæрон. Хуыздæр куыстытæ та æвдыст æрцæудзысты сæрмагонд равдысты. Байгом уыдзæн 2-æм сентябры, Беслæны культурæйы галуаны. 

Зæнджиаты Мæдинæ, сывæллæтты сфæлдыстады галуаны кусæг: «Ацы акцитæ тынг пайда сты сывæллæттæн. Террризмы ныхмæ хъæуы тох кæнын иумæйагæй æм æй æсывæллæттæ дæр хъуамæ æмбарой. Сæ нывты, сæ æмдзæвгæты сæ бон у сæ хъуыдытæ зæгъын ацы темæйыл. Акции чи сарæзта, уыдонæн та стыр бузныг, абон нæм кæй æрбацыдысты æмæ сывæллæтимæ ахæм асджиаг куыст кæй кæнынц».