Ссарынц дзы хъазуатон сылгоймаджы ном, кæцы 14-м æнусыТимуры ныббырсты рæстæг æрæмбырд кодта комы сывæллæтты, æмæ сæ акодта хохы лæгæтмæ.
Æнусон Нана. Традицимæ гæсгæ, августы фыццаг хуыцаубон Дыгургомы сбæрæг кодтой Зæдæлескы Нанайы бон.
Ссарынц дзы хъазуатон сылгоймаджы ном, кæцы 14-м æнусыТимуры ныббырсты рæстæг æрæмбырд кодта комы сывæллæтты, æмæ сæ акодта хохы лæгæтмæ. Афтæмæй аирвæзын кодта æнæхъæн наци. Нæ рагфыдæлтæй нырмæ Зæдæлескы Нанайы номыл аразынц куывд. Барынц æй зæдтимæ, æмæ йыл фæдзæхсынц сæ кæстæрты. Йæ номыл хъæуы ис музей. Зæдæлескы Нанайы ном æрымысынмæ æмæ Ирыстонæн зæххон хорзæхтæ ракурынмæ ацы бон æрбацæуы бирæ адæм. Вæййынц нæ республикæйы алы районтæй. Арæх бæрæгбонæн æвдисæн вæййынц туристтæ дæр. Ацы хатт Зæдæлескы Нанайы тыххæй базыдтой уазджытæ Гуырдзыйæ.
Музей та схонæн ис куывддон, уымæн æмæ ам нæлгоймагæй сылгоймагæй куывынц æмæ куырынц зæххон хорзæх æмæ сабырдзинад æппæт Кавказы. Уæладй тынгдæр та сæ куывд арæзт вæййы кæстæртæм, Зæдæлескы Нана бардуаг кæмæн у, уыцы сывæллæтты æмæ фæсивæды номыл.
