филиал вгтрк государственная телерадиовещательная компания “Алания”

Уыдис дзы 30 экспонатæй фылдæр, се ппæт дæр сæ равæрдтой уæй кæнынмæ. Ацы хатт экспонаттæ уыдысты аргъæутты темæимæ баст – «Буратино», «Митын успаддзах», «Теремок». Хæрзаудæн равдыст сарæзтой Дзæуджыхъæуы аивадон училищæйы студенттæ, Цæгат Ирыстоны национ музейы. Æппæт архайджытæн дæр радтой кады гæххæттытæ, загътой сын бузныг се ‘нæзæрдæхудт фæллойы тыххæй. Равдысты экспонаттæн сæ фылдæр ауæй сты. Цы æхца дзы æрæмбырд ис, уыдон арвыстой Фидараты Давидæн, Бекъойты Барисæн, стæй Къораты Камиллæйæн баххуыс кæнынæн.

Милдзыхты Аленæ, Дзæуджыхъæуы аивадон училищæйы студенткæ: «Се ппæт дæр, елкæтæ чи кодта, уыдон зæрдиагæй бакуыстой. Хъуыды кодтой уыцы сывæллæттыл, æмæ зæрдиагæй кодтой уыцы елкæтæ. Хуыцау зæгъæд, цæмæй уыцы сывæллæттæ сдзæбæх уой, æмæ сын цы æхцатæ радтам, уыдон сын хорзæн ацæуой. «Махæн та æхсызгон у сывæллæттæн хордзинад кæй скодтам. Кæд чысыл сты æхца, уæддæр сын баххуыс сты, уый нын тынг æхсызгон у».