23 июля 2021, 15:15
Трамвайты æмæ троллейбусты депо æрцыдысты Дзæуджыхъæуы исбонмæ
Уый тыххæй фехъусын кодта исбоны æмæ зæххыты ахастдзинæдты фарстаты фæдыл министры хæстæ æххæстгæнæг Тедеты Руслан
Трамвайты æмæ троллейбусты депо, контактон хыз æмæ дæлстанцæ фæстæмæ лæвæрд æрцыдысты Дзæуджыхъæуы исбонмæ. Сæ хицæуттæ сæ радтой горæтæн. Уый тыххæй фехъусын кодта исбоны æмæ зæххыты ахастдзинæдты фарстаты фæдыл министры хæстæ æххæстгæнæг Тедеты Руслан. 2014-æм азы банкроты аххосæй трамвайты æмæ троллейбусты управленийы исбон æрцыди уæйгонд ныллæг аргъæй. Ацы мæйы райдиан Сергей Меняйло министрадæн бахæс кодта, цæмæй фæстæмæ лæвæрд æрцæуа Дзæуджыхъæуæн.
