Зæгъын хъæуы уый, æмæ домæнтæ æххæст кæнынæй аразгæ у бæлццæтты æдасдзинад стæй фæндæгты хæрзхъæддзинад дæр
Балцæджы сыф, медицицнон æмæ техникон æркасты гæххæттытæ стæй тахогрæфтæ. Транспортмæ цæстдарды цæгатирыстойнаг Управленийы кусджытæ рацыдысты райдон рейды, æмæ сбæрæг кодтой бæлццæттæласæн æмæ уæзласæн транспорт закъон куыд æххæст кæнынц, уый. Зæгъын хъæуы уый, æмæ домæнтæ æххæст кæнынæй аразгæ у бæлццæтты æдасдзинад стæй фæндæгты хæрзхъæддзинад дæр. Куыд æххæстгонд цæуы фæндаггон фæтк, уый тыххæй радзурдзæн Гуытъиаты Алинæ.
Балцæгтæ сбæрæг кæнын, медицинон æмæ техникон æркасты æвдисæндартæ, стæй тахогрæфтæ æмæ маршруты картæтæ фенын. Уæрæсейы техникæйы цæстдардмæ кусджытæ бæрæг кæнынц муниципалон æмæ районты æхсæн бæлццæттæласæн маршруттæ. Специалисттæ куыл зæгъынц, афтæмæй рейдты рæстæг сбæрæг вæййынц бирæ барадхæлдытæ.
Рейд аразынц Уæрæсейы транспортмæ цæстдарды, мидхъуыддæгты министрады æмæ федералон æдасдзинады службæйы кусджытæ. Ахæм мадзæлттæ куыд ахсджиаг сты, уый тыххæй дзырдтой республикæйы разамонæг Сергей Меняйло æмæ Цæгат Кавказы федералон зылды транспортмæ цæстарды разамонæг Дмитрий Кравцов. Рейды рæстæг рабæрæг кæнынц, бæлццæтты æнæзакъонæй чи ласы, ахæм шофырты дæр.
Рейд ацыдис Урух æмæ Реданты цæстдарæн постты дæр. Бæрæг кæнынц, æндæр бæстæтæй чи æрбацæуы, уыцы транспортон фæрæзтæ дæр. Специалисттæ барынц уæз, æмæ кæсынц, тæссаг æмæ æнæзакъон товартæ ис æви нæ, уымæ. Барадхæлд куы сбæрæг кæнынц, уæд дзуапп радтынц куыд шофыртæ, афтæ товар чи рарвиты, уыдон дæр.
Хойраг æмæ промышленон товартæй йедзаг машинæтæ æрвылбон цæуынц горæты уынгтыл. Уый тыххæй хъæуы æдзухдæр цæст дарын, цæмæй домæнтæ куыд æмбæлы, афтæ æххæстгонд цæуой, уымæ. Уæзласæн транспортæн цы ивартæ снысан кæнынц, уыдон хаттæн вæййынц фондзсæдæ мин сомы бæрц. Чи зоны æмæ уый тыххæй фæкъаддæр барадхалджыты нымæц.
