Квест саразджыты хъуыдымæ гæсгæ сывæллæттæ ацыдысты 6 станцæйы
«Предупрежден – значит, защищен». Ахæм сæргондимæ квест арæзт æрцыд Мæздæджы районы Троицкæйы скъолайы. Кадджын уазджыты хсæн уыдысты аргъуаны сæргълæууæг Сергий Простяков, мидхъуыддæгты министрады Æхсæнадон советы уæнг Рустам Батраев, пъæлицæйы кусджытæ æмæ фæсивæды социализацийы Центры психологтæ. Квест саразджыты хъуыдымæ гæсгæ сывæллæттæ ацыдысты 6 станцæйы. Уым æххæст кодтой хæслæвæрдтæ: кроссвордтæ, кодтой фыццаг æххуыс, стæй æвдыстой, социалон хызтæй æдасæй куыд пайда кæнын хъæуы, уый. Алы къæпхæны дæр хистæркъласонтæн консультацитæ кодтой специалисттæ: психологтæ, медиктæ æмæ пъæлицæйы кусджытæ. Раст дзуæппытæн фæсивæдæн лæвæрдтой баллтæ. Кæронбæттæны та лæппутæ æмæ чызджытæ равдыстой хæдзармæ куыст. Бацæттæ кодтой Кавказы адæмты историимæ баст сфæлдыстадон номыртæ. Зæгъын ма хъæуы уый, æмæ ахæм хуызы профилактикон куыст у ахадгæ. Уымæ гæсгæ квесттæ арæзт цæудзысты дарддæр.
