13 мая 2025, 10:36
Троицкæйы скъолайы кадджын уавæры байгом кодтой Советон Цæдисы хъæбатыр Никита Дроновæн номарæн фæйнæг
Ныр 10 азы ахуыргæнæндон сæрыстырæй хæссы йæ ном
Мæздæджы районы Троицкæйы скъолайы кадджын уавæры байгом кодтой Советон Цæдисы хъæбатыр, гвардийы булкъон Никита Дроновæн номарæн фæйнæг. Ныр 10 азы ахуыргæнæндон сæрыстырæй хæссы йæ ном. Фидæны хъæбатыр цардис Троицкæйы. Хъæуы ис йæ номыл уынг, кæм царди, уыцы хæдзары раз ис цыртдзæвæн. Фыдыбæстæйы Стыр хæсты азты Никита Дронов разамынд лæвæрдта 8-æм гвардион æфсады 170-йæм гвардион æхсæн полкæн. Йæ лæгдзинады æмæ æнтыстджын архайды тыххæй йын саккаг кодтой Советон Цæдисы хъæбатыры ном. Мадзалмæ æрбахуыдтой депутатты, æхсæнадон организациты минæвæртты, сæрмагонд æфсæддон операцийы ветеранты.
