Аркъауты Иринæ æнхъæлцау уæвгæйæ бахауд тагъдæххуысы клиникон рынчындоны инфекцион хайадмæ, æвзæр хæринагæй кæй фæхъæстæ, уый тыххæй
Уым йæ уыргты куыст февзæрдæр и, æмæ йæ 4-æм августы раивтой реанимацимæ. Райдыдтой йын сæрмагонд терапийæ гемодиализимæ кæнын. Дохтырты уынаффæмæ гæсгæ йын скодтой операци. Сывæллон райгуырд 7-мæйдзыдæй, йе `нæниздзинадæн тæссаг нæу. Фæлæ сылгоймаджы уавæр нæ хуыздæр кодта. Уымæ гæсгæ йæ дохтыртæ сфæнд кодтой Мæскуымæ арвитын. Уый тыххæй Беслæны аэропортмæ ссыд Уæрæсейы æнæнхъæлæджы цауты министрады хæдтæхæг. Уый ифтонг у сæрмагонд кусæнгæрзтæй, уæззау рынчынты ласынæн. Ныр Иринæйы дзæбæх кæндзысты Евгений Тареевы номыл неврологийы æмæ хуылфыдзаумæтты клиникæйы.
Аркъауты Родион, республикон клиникон рынчындоны реанимацийы хайады сæргълæууæг: «Мах рынчындонмæ æрбахаудта къуырийы размæ. Цыдæриддæр хъуыдис дзæбæхгæнæн мадзæлттæ, уыдон ын скодтам. Æппæт специалисттæ дæр цемæ архайдтой. Консилиумтæ конд цыдысты. Рынчынæн йæ анализтæм, клиникон нывтæм гæсгæ архайдтам, цы æмбæлыдис, уый конд цыдис».
