филиал вгтрк государственная телерадиовещательная компания “Алания”

Цæгат Ирыстон цæттæ у пъæмидортæй конд пастæйы рауагъд фæфылдæр кæнынмæ, æмæ уæрæсеаг базарады куыстхъомдæр уæвынмæ. Республикæйы разамынды æмæ куыстуаты иумæйаг хæс сфидар кодтой хицауады сæрдар Такъоты Сергей æмæ хицауады уæнгтæ агрофирмæ «Казбек» куы бабæрæг кодтой, уæд. Куыстуаты разамонæг бæрнон кусджытæн равдыста донхорыггонд цы быдыртæ цæуынц, уыдон, пъæмидортæ сагъд дзы ис 185 гектарыл. Тыллæг æмбырд æмæ дзы тамат кæнын райдайдзысты августы астæу. Алы гектарæй дæр нысан кæнынц 65 тонны тыллæг сæмбырд кæнын, зæгъынц агрофирмæйы. Суткæмæ пъæмидоры пастæ уаддзысты 250 тонны. Фæлæ фæлхасгæнæг ирыстойнаг пастæ агуыры уымæй фылдæр. Хъæуы авналæнтæ фæуæрæхдæр кæнын, ног кусæнгæрзтæ балхæнын, цæмæй суткæмæ уадзой 250 нæ, фæлæ 1000 тонны продукци. Фембæлды куыд фехъусын кодтой, афтæмæй ацы хъуыддаджы райрæзтæн хъæуы æртæ милуан евройæ фылдæр. Премьер куыд загъта, афтæмæй ивддзинæдтæ хъæуынц æнæмæнг, уæлдайдæр та ныр – куыд зонæм, афтæмæй знон бæстæйы президент сидар кодта санкцитæ ныгуылæны ‘рдыгæй дыргътæ æмæ халсартæ ласыны тыххæй. Ирыстонæн базарады йæ бон бацахсын у, Украинæ æмæ Молдови цы бынæттæ ахстой, уыдон. Таматы пастæйæ уæлдай ма, агрофирмæ уадзы соктæ æмæ нектартæ, раст зæгъгæйæ цасдæр рæстæг цех нæ куыста, фæлæ та ныр цæттæ у йæ куыст сног кæнынмæ. Быдырты ма байтауынц хæринагæн бæзгæ кæрдæджытæ, ис сæм хи фермæ дæр.