16 апреля 2018, 18:10
Цæгат Ирыстонмæ Финляндийæ ссыд бæрнон делегаци
Йæ нысан у – культурон, гуманитарон æмæ наукон-ахуырадон бастдзинæдтæ фидар кæнын.
Цæгат Ирыстонмæ Финляндийæ ссыд бæрнон делегаци. Йæ нысан у – культурон, гуманитарон æмæ наукон-ахуырадон бастдзинæдтæ фидар кæнын.
Раздæр уал делегацийы уæнгтæ бабæрæг кодтой Беслæны мемориалон уæлмæрд æмæ федтой фыццæгæм скъолайы кæрт. Фæстæдæр та Дзæуджыхъæуы Мамсыраты Дæбейы номыл библиотекæйы фембæлдысты чиныгкæсджытимæ. Бацæттæ сын кодтой комиксты равдыст. Баст у зындгонд финнаг фыссæг Туве Янсоны уацмыс «Мумий-троллы» мотивтимæ. Библиотекæйæн балæвар кодтой авторы цалдæр чиныджы. Абон ма Финляндийы делегацийы уæнгтæ фембæлдысты цалдæр министрады æмæ ведомствойы разамонджытимæ, стæй Цæгат Ирыстоны паддзахадон университеты студенттимæ.
темæмæ гæсгæ
