филиал вгтрк государственная телерадиовещательная компания “Алания”

Ирыстойнаг аивадуарзджытæн сластой 5 спектаклы. Сæ иу «6 блюд из одной курицы». Элистайы сфæлдыстадон къорд сæ гострольты программæ равдисдзысты уырыссаг драмон театры сценæйы. Фыццаг бон уал театрдзаутæ федтой алы жанртыл конд спектакль «Бабье лето». «Сценикон нывмæ кæсгæйæ адæймагмæ æвзæры алыхуызон æнкъарæнтæ, иуæй – хъæлдзæг, иннæмæй та – æнкъард. Уæдæ аивадуарзджытæн у ахъуыдыйаг дæр»,- зæгъы Хъалмыхъхъы театры аивадон разамонæг Владислав Константинов. Йе сфæлдыстад республикæйы цæрджытæн зонгæ у. Дзæуджыхъæуы, уырыссаг театры сценæйы сæвæрдта цалдæр спектаклы. Хæстæгдæр бонты та Хъалмыхъмæ ацæудзысты Цæгат Ирыстоны уырыссаг театры артисттæ. Ацы культурон проект арæзт æрцыди дыууæ республикæйы культурæйы министрты хъæппæрисæй. Уазджытæ Дзæуджыхъæуы спектакльтæ æвдисдзысты 6-æм мартъимæ. Æмæ сæ зæрдæ дарынц, хæлардзинады гастрольтæ фидæны дæр кæй уыдзысты, ууыл.