Аэропорты йын «æгасцуай» загъта республикæйы сæргълæууæг Мамсыраты Таймураз. Уырдыгæй делегаци ацыд куыстуат «Фат-Агро»-мæ. Равдыстой йын, картофы мыггаджы куыст кæм кæнынц,
Картофы ног мыггæгтæ скæныныл архайынц цæгатирыстойнаг специалисттæ, сæ фылдæр Швейцарийы райстой уæлæмхасæн ахуырад. Æмæ ныр кусынц Швейцариаг технологитæм гæсгæ.
Æмгуыст кæнынц Иугонд Нациты организацийы Европæйаг экономикон къамисимæ æмæ сæ къухы бафтыд æнтыстдзинæдтæ дæр. Ацы аз фæнд кæнынц æнæ вирустæй технологимæ гæсгæ рауадзын мыггаг, растдæр зæгъгæйæ та микрозайæгойтæ – 100 000 тоннæйы.
Лабораторитæй мыггаг ласынц теплицæтæм, дарддæр та сæ куыст кæнынц куыстуаты быдырты Зджыды. Николай Федоров куыд бафиппайдта, афтæмæй ацы куыстуат у Уæрæсейы хуыздæр куыстуæтты хыгъды. Бузныг загъта Мамсыраты Таймуразæн, республикæйы ахæм ахадгæ куыстуат кæй байгом кодтой, уый тыххæй.
