Цæгат Ирыстонмæ кусæг балцы ссыд Уæрæсейы стоматоголгты ассоциацийы президент Владимир Садовский æмæ фембæлд республикæйы сæргълæууæджы æмæ хицауады
Фыццаджыдæр Уæрæсейы стоматоголгты ассоциацийы президент Владимир Садовский фембæлд республикæйы сæргълæууæджы æмæ хицауады администрацийы разамонæг Таболты Сергеимæ. Æрныхас кодтой, ныртæккæ стоматогийы къабазы ца лыггæнинаг фарстатæ ис, уыдоныл. Сæйрагдæр та – республикæйы кæй нæй дæндæгты низты профилактикæ. Уæдæ статистикæйы бæрæггæнæнтæ дæр, куыд æмбæлы, афтæ нымад нæ цæуынц, уымæн æмæ ныртæккæ бирæ фæзынд хицæн кусæн уæттæ, æмæ уыдон сæ бæрæггæнæнтæ куыд æмбæлы, афтæ нæ дæттынц.
Таболты Сергей зæрдæ бавæрдта, цы куыст снысан кодтой Цæгат Ирыстоны, уый сæххæст кæнынмæ сын кæй баххуыс кæндзæн. Дарддæр Владимир Садовский бабæрæг кодта Цæгат Ирыстоны паддзахадон университеты клиникон-диагностикон стоматологон центр. Ацы аз ын Уæрæсейы стоматоголгты ассоциацийы хъæппæрисæй лæвæрд æрцыд инновационы ном. Владимир Садовский куыд фæнысан кодта, афтæмæй ам ис нырыккон кусæнгæрзтæ, ома студенттæн ис æппæт фадæттæ дæр, лæмбынæг зонындзинæдтæ райсынæн. Уыимæ ма сын ам ис фадат фылдæр наукон куыст кæнынæн дæр.
Владимир Садовский æмæ Цæгат Ирыстоны паддзахадон университеты стоматологон факультеты декан Давид Чониашвили фембæлдыстысты ахуыргæнæндоны ректоримæ. Созанаты Валерий куыд загъта, афтæмæй ахуыргæнæндоны разамынд архайдзæн, цæмæй студенттæн арæзт цæуа алыхуызон фадæттæ сæхи раргом кæнынæн.
Созанаты Валерий, ЦИПУ-йы ректор: «Нæ клиникæ цалдæр фарстайы æвæры йæ размæ, фыццаджыдæр дзы хъуамæ ахуыр кæной нæ студенттæ, æмæ цæмæй студенттæ сахуыр уой, уый тыххæй мах хъæуы хорз кусæн бьынæттæ, прибортæ, стæй хъуамæ хорз ахуыргæнджытæ амоной зонд кæстæртæн, цæмæ стæй сæ бон уа хорз кусын. Дарддæр та, хъуамæ æнæмæнгæй, уыцы центры адæмы дзæбæх кæнæм. Уый тыххæй дæр нæ пълантæ ис. Стæй, университеты æнæ наукон куыстæй цæрæн нæй. Æмæ уыцы наукон куыст дæр хъуамæ цæуа уыцы центры, æмæ абон уыцы хъуыддæгтл дæр ыныхас кодтам».
Владимир Садовский ма фембæлд Цæгат Ирыстоны паддзахадон университеты стоматологон факультеты студенттимæ дæр. Ацы аз æй каст фæуыдзысты 24 адæймаджы. Уæвгæ та дзы ахуыр кæны 270 студенты. Бæстæйы стоматологты ассоциацийы президентмæ лæвæрдтой алыхуызон фæрстытæ. Фыццаджыдæр сæ тыхсын кæны куысты бынæтты уавæр, стæй стажировкæ Уæрæсейы æндæр рæтты.
Гугкаты Иринæ
