Цæгат Ирыстонмæ ногæй ссыдысты Мæскуыйаг дохтыртæ – педиатрийы æмæ сывæллæты хирургийы наукон иртасæн институты минæвæрттæ.
Сæ куыст баст у ноггуырдтимæ. Абон дохтыртæ Дзæуджыхъæуы бæрæг кодтой рынчынты уавæр
Цæгат Ирыстонмæ ногæй ссыдысты Мæскуыйаг дохтыртæ – педиатрийы æмæ сывæллæты хирургийы наукон иртасæн институты минæвæрттæ.
Сæ куыст баст у ноггуырдтимæ. Абон
дохтыртæ Дзæуджыхъæуы бæрæг кодтой рынчынты уавæр, консультацитæ
лæвæрдтой ныййарджытæн, фембæлдысты бынæттон дохтыртимæ.
Кусын куы райдыдтой, уæд цалдæр
сывæллонмæ раиртæстой уæззау низтæ. Дохтыртæ куыд зæгъынц, афтæмæй
сабитæн бынаты дæр баххуыс кæниккой, фæлæ республикæйы микрохирургион
операци скæнынæн фадæттæ нæй.
Ныррыккон кусæнгæрзты фæрцы мæскуыйаг специалистты архайд цæуы тагъд.
Февралæй нырмæ республикæ бабæрæг кодтой
сывæллæтты церебралон параличы хуыздæр специалисттæ, фтизиатртæ,
офтальмологтæ, урологтæ æмæ онкологтæ. Афæдзмæ æркастысты 100 сывæллоны
æнæниздзинадмæ. Хæстæгдæр рæстæг та Цæгат Ирыстонмæ ссæудзысты
кардиологтæ æмæ дадзинты хирургтæ. Æвæстиат æххуыс цы сывæллæтты хъæуа,
уыдон иннæ къуыри æрвыст æрцæудзысты Мæскуымæ.
Абон ма сывæллæтты поликлиникæйы арæзт æрцыд тымбыл стъол дæр. Ныхас цыд педиатрийы ахсджиаг фарстатыл.
