филиал вгтрк государственная телерадиовещательная компания “Алания”

Нæ фыдæлты фæндæгтыл. Цæгат Ирыстонмæ ссыд делегаци Венгрийæ – алайнаг ясты минæвæрттæ. Сæ сæргъы ис ясты æппæтадæмон æхсæнады разамонæг ЛАсло ДОбош. Абон уазджытæ фембæлдысты Дзæуджыхъæуы администрацийы сæргълæууæг Дзантиаты Сергеимæ. Уый сын радзырдта Цæгат Ирыстоны сæйраг сахары истори – фидары æмæ æфсæддон намысы горæты тыххæй. Дзантиаты Сергей делегацийы уæнгты фæхуыдта Дзæуджыхъæуы юбилейы бæрæгбонмæ, стæй Венгрийы сывæллæтты кафджыты къордæн та фадат уыдзæн 4-æм фестиваль «Хæлардзинады кафт»-ы архайынæн. Ясты минæвæрттæ куыд загътой, афтæмæй сæ балцы сæйраг нысан у ясты æмæ ирон адæмы хсæн хæлар ахастдзинæдтæ парахат кæнын.

Абон ма алайнаг ясты минæвæрттæ фембæлдысты нæ республикæйы хицауады сæрдар Такъоты Сергеимæ. Изæры та Тугъанты Махарбеджы номыл музейы байгом уыдзæн венгриаг нывгæнджыты куыстыты равдыст.