Знон Цæгат Ирыстонмæ ссыдысты «Авторадио» – йы минæвæрттæ – корпораци «Проф-Медиа»- йы кусджытæ, зарæггæнджытæ Игорь Саруханов, Александр Шевченко, Марк Тишман æмæ зындгонд амонæг Алексей Лысенков.
Знон Цæгат Ирыстонмæ ссыдысты «Авторадио» – йы минæвæрттæ – корпораци «Проф-Медиа»- йы кусджытæ, зарæггæнджытæ
Игорь Саруханов, Александр Шевченко, Марк Тишман æмæ зындгонд амонæг
Алексей Лысенков. Ахæм балцы Беслæнмæ ссæуынц ныр 8 аз фæд-фæдыл.
Аэропорты сыл сæмбæлдысты ирон æгъдаумæ гæсгæ. Уазджытæ бабæрæг кодтой
Беслæны мемориалон уæлмæрд, стæй террористон акт кæм æрцыд, уыцы скъола.
Сæвæрдтой дидинджытæ. Корпорацийы кусджытæ, стæй артисттæ ма уыдысты,
Беслæны 8 азы размæ бæлас кæм ныссагътой, уыцы фæлладуадзæн фæзы дæр.
Уæвгæ, ссыдысты, цæмæй радтой концерт Беслæны цæрджытæн. Фæлæ
Черменыхъæуы контролон-уадзæн пункты цы террористон акт æрцыд, уый
тыххæй мадзал арæзт нал æрцыд.