филиал вгтрк государственная телерадиовещательная компания “Алания”

Цæгат Ирыстонмæ ссыдысты Белоруссийы дзыллон информацион фæрæзты минæвæрттæ. Сты Уæрæсейы æмæ Белоруссийы журналистты форумы архайджытæ.

Сæ нысан у дыууæ бæстæйы экономикон æмæ культурон бастдзинад фидардæр кæнын. Уазджытæ нæ республикæйы уыдзысты цалдæр боны. Бабæрæг уал кодтой завод «Кетон». Куыстуат уадзы пленкæ, пайда дзы кæнынц хуымæтæг царды æмæ электрон техникæйы. Тухынц дзы хойраджы продукттæ дæр. Завод цалдæр азы æмгуыстад кæны Белорусаг куыстуатимæ.

Уый фæстæ Цæгат Ирыстоны Паддзахадон университеты сарæзтой æмбырд. «Фидæны фæлгонц. Æмгуыстады фæлгонц. Холдинг «Говорит Москва»-йы генералон директор Владимир Мамонтов, сæйраг редактортæ æмæ Белоруссийы дзыллон инфоромацион фæрæзты раззагдæр журналисттæ æмæ Цæдисон паддзахады генералон секретары æххуысгæнæг Елена Овчаренко аныхас кодтой уæлдæр ахуыргæнæндоны студенттимæ æмæ сын радтой профессионалон амындзинæдтæ. Дарддæр уазджыты базонгæ кæндзысты республикæйы туристон маршрутимæ.