филиал вгтрк государственная телерадиовещательная компания “Алания”

Арæзт у курдиатджын фæсивæд раиртасыны тыххæй. Уый размæ уал анкетæтæ ныффыссын кодтой Дзæуджыхъæуы цыппор æвдæм скъолайы ахуырдзаутæн. Тестты хатдзæгтæм гæсгæ, хуыздæр ахуыргæнинæгтæ хуынд æрцыдысты конкурсы дыккаг къæпхæны архайынмæ. Еналдыты Габриель ахуыр кæны иуæндæсæм къласы. Ныридæгæн архайдта конкурсы дыууæ къæпхæны, æмæ æнхъæлмæ кæсы ног хæслæвæрдтæм. Се скъолайы кусы сæхи парламент. Йæ уæнгтæ сæхи равдыстой хъæппæрисджынæй, æмæ рынчын сывæллонæн сæмбырд кодтой æхца. Ног программæйы нысан у – курдиатджын фæсивæдимæ куысты системæ сфидар кæнын, æмæ уый фæрцы цæгаткавказаг республикæтæн кадрты резерв бацæттæ кæнын. Проект саразджытæ фæнд кæнынц социалон хыз саразын. Уый фæрцы фидæны специалисттæ ныхас кæндзысты эксперттимæ. Авд азы дæргъы проекты архайджытæм сæ цæст дардзысты специалисттæ, кæндзысты сын консультацитæ. Проект фæцыд Цæгат Кавказы æппæт скъолаты зæрдæмæ дæр. Фарон дзы архайдта авд мин скъоладзауы.